.png)
有機咖啡
真實客戶見證 - Deep Valley 深烘焙有機咖啡
今時今日嘅餐廳設計，再唔局限於傳統嘅餐飲空間設計、裝修風格、氛圍營造等。所謂「相機食先」，就係當餐點上桌，最先品嘗嘅係相機同手機，然後先到眾人。面對龐大嘅「相機食先」群體，餐廳設計當然要花多啲心思，食物要「上鏡」，餐廳室內設計一樣要「上鏡」，先能夠有效吸引食客放上社交媒體「呃like」！
甜品及咖啡店 Cohere Concepts 當然深明此道，特意聯乘人氣卡通角色罐頭 LULU 豬，由裡到外打造可愛又 IGable 嘅食物同埋餐廳設計。更加引入左零售及畫廊區，務求食得、買得又睇得，全面籠絡 LULU 豬粉絲嘅心。室內設計師將餐廳品牌設計緊扣主流同埋社交媒體，成功吸引過萬打卡人流！
設計師係不同嘅角落都設有打卡位，整體風格以繽紛童趣為主，為左突出可愛嘅 LULU 豬，門口位置特設大型電視螢幕及巨型 LULU 豬卡通模型，十分吸睛。設計師以小食車概念，將外賣食品同埋精品分門別類，加上趣緻嘅 LULU 豬貼紙同擺設，打造樂園嘅氛圍。餐廳店內設計亦都緊扣「相機食先」嘅主題，附 LULU 豬椅墊嘅木質元素用餐區域，配合柔和光線，拍照自然更好睇，更加能夠一面用餐，一面欣賞畫廊作品，細節處處。
