.png)
有機咖啡
真實客戶見證 - Deep Valley 深烘焙有機咖啡
餐廳擁有一個夢幻嘅名稱 ── 十八夢Meta Stages，象徵住大眾十八歲嘅時候擁有過嘅夢想，餐廳希望藉著舞台，為唔同界別嘅表演者同藝術家提供華麗嘅表現場所。餐廳食物以創新法日式高級料理為主，希望走出傳統餐飲框架，糅合科技技術，打造全港首間以NFT為主題嘅表演餐廳，集合餐飲、科技及藝術元素於一身，為食客提供前所未有嘅饗宴體驗。
十八夢Meta Stages 佔地超過8000呎，細緻咁劃分出用餐區、舞台區、體驗房，更提供數間可容納8-20人嘅高級私人包廂，環境相當寬敞。甫踏出電梯，經過特色霓虹燈招牌、多部LED顯示屏、復古燈泡等擁有豐富色彩嘅走廊，有如即將進入百老匯嘅歌舞世界，視覺體驗一流。
為左營造餐廳簡潔而摩登嘅風格，設計師多採用深色做主調，混合使用大理石、金屬及鏡面等唔同嘅物料，提升空間明亮度，增加場內光線漫反射效果；配合場內9⽶巨型LED螢幕舞台、白色三角鋼琴等裝置，整體格調更添優雅浪漫。天花位置佈滿多個數碼燈條同燈泡，配合智能燈光組合控制，營造唔同嘅舞台氣氛。觀眾席位置以弧型卡位梳化設計，方便於唔同角度欣賞表演，加上華麗奢華嘅玻璃吊燈設計，帶出豪華時尚感。
餐廳除左注重室內設計嘅視覺，亦照料食客嘅聽覺、觸覺、嗅覺及味覺，希望為食客提供獨一無二嘅五感享受。設計師特別打造嘅5D浸沉式光影房間，通過360度投影融合技術，將主題畫面投射到牆上、地面及餐桌上；同時配合豐富嘅音響同埋燈光效果，讓食客在品嚐美食嘅同時，猶如置身於海底、花海、甚至係未來世界等場景，美侖美奐，令人目不暇給，全面享受沉浸式體驗。
地址: 銅鑼灣登龍街18號V Point 6樓
電話: 55667778
網址: https://s.openrice.com/QrbS0Z7eB00~dSVOuPzbf
